മുഴുവൻ കുട്ടികൾക്കും അച്ചീവ്മെന്റ് സർട്ടിഫിക്കറ്റ് വാളക്കുളം എ.എൽ.പി എസ് പ്രീ – പ്രൈമറി വിഭാഗം മികവിലേക്ക് 

എടരിക്കോട് : വാളക്കുളം എൽ പി സ്കൂൾ പ്രീ പ്രൈമറി വിഭാഗം സ്കൂൾ അക്കാദമി കേരളയുടെ സംസ്ഥാനതല അച്ചീവ്മെന്റ് സർട്ടിഫിക്കറ്റിന് അർഹരായി. 2022 – 23 വർഷത്തെ മികച്ച പ്രവർത്തനങ്ങളാണ് സ്ഥാപനത്തെ അവാർഡിന് അർഹരാക്കിയത്.

അവാർഡ് ജേതാക്കളായ വിദ്യാർത്ഥികൾക്കുള്ള സർട്ടിഫിക്കറ്റും ട്രോഫിയും പുരസ്കാര സായാഹ്നം പരിപാടിയിൽ വെച്ച് വിതരണം ചെയ്തു.

പുരസ്കാര സായാഹ്നം എടരിക്കോട് ഗ്രാമപഞ്ചായത്ത് പ്രസിഡന്റ് ശ്രീ മണമ്മൽ ജലീൽ ഉദ്ഘാടനം ചെയ്തു. പ്രീ – പ്രൈമറി വിഭാഗം പി ടി എ പ്രസിഡൻറ് സമീഹ ടീച്ചർ അധ്യക്ഷത വഹിച്ചു. 

വാർഡ് മെമ്പർ ശ്രീ സി ടി അഷറഫ് , പി ടി എ അംഗമായ ജലീൽ വലിയകത്ത് , അലി അക്ബർ കാട്ടകത്ത് ( പ്രീ പ്രൈമറി പി.ടി.എ വൈസ് പ്രസിഡണ്ട്), അധ്യാപകരായ ശ്രീമതി ഇന്ദിര ടീച്ചർ , സിയാദ് സി തുടങ്ങിയവർ പ്രസംഗിച്ചു.

പ്രവർത്തനങ്ങൾക്ക് നേതൃത്വം വഹിച്ച അധ്യാപകരെയും ചടങ്ങിൽ വെച്ച് ആദരിച്ചു.

സ്കൂൾ പ്രധാനാദ്ധ്യാപിക ശ്രീമതി വഹീദ ജാസ്മിൻ സ്വാഗതവും അടാട്ടിൽ ഇബ്രാഹിം നന്ദിയും പറഞ്ഞു .

കഴിഞ്ഞ അധ്യായന വർഷങ്ങളിൽ കുട്ടികൾ ചെയ്ത അക്കാദമിക – അക്കാദമികേതര പ്രവർത്തനങ്ങൾ പരിഗണിച്ചാണ് സ്കൂൾ അക്കാദമി – കേരള സർട്ടിഫിക്കറ്ററുകൾ നൽകിയത്.

ഐ.എസ്. ഒ സർട്ടിഫിക്കേഷൻ ലഭിച്ച നോൺ ഗവൺമെന്റൽ ഓർഗനൈസേഷൻ ആണ് സ്കൂൾ അക്കാദമി.

പ്രീ പ്രൈമറി വിഭാഗത്തിൽ പഠിക്കുന്ന മുഴുവൻ കുട്ടികൾക്കും സ്കൂൾ അക്കാദമി കേരളയുടെ അച്ചീവ്മെന്റ് സർട്ടിഫിക്കറ്റ് ലഭിക്കുന്ന പതിനൊന്നാമത്തെ സ്കൂളാണ് വാളക്കുളം എ.എൽ.പി എസ് പ്രീ – പ്രൈമറി .

പ്രീ പ്രൈമറി വിദ്യാർത്ഥികൾക്ക് സ്കൂൾ പത്രം കേരള നൽകുന്ന സമ്മാന വിതരണം എടരിക്കോട് ഗ്രാമപഞ്ചായത്ത് പ്രസിഡണ്ട് മണമ്മൽ ജലീൽ ഉദ്ഘാടനം ചെയ്യുന്നു.

വാളക്കുളം എ എൽ പി സ്കൂൾ പ്രധാനധ്യാപിക വഹീദ ജാസ്മിൻ സംസാരിക്കുന്നു.

പ്രീ പ്രൈമറി അധ്യാപിക ഇന്ദിര ടീച്ചർക്ക് ആദരം

പ്രീ പ്രൈമറി അധ്യാപിക ബിന്ദിയ ടീച്ചർക്ക് ആദരം

പ്രീ പ്രൈമറി ടീം ലീഡർ സി.സിയാദ് മാസ്റ്റർക്ക് സ്നേഹാദരം