വീൽചെയറും ശാരീരിക പരിമിതി കളും വിഎസ് അബ്ദുൽ ഹാദി എന്ന 14 കാരനിലെ സാഹിത്യ പ്രതിഭയ്ക്ക് ഒരു വെല്ലുവിളി അല്ല .

എല്ലാ പ്രതിസന്ധികളെയും പരിമിതിക ളെയും തൻ്റെ സാഹിത്യപ്രതിഭ കൊണ്ട് മറികടക്കാൻ ശ്രമിക്കുന്ന അബ്ദുൽ ഹാദിക്ക് ലഭിച്ച അംഗീകാ രമാണ് 2021ലെ ഉജ്ജ്വല ബാല്യം പുരസ്കാരം. സാഹിത്യ മേഖലയിലെ മികവിന്റെ അടിസ്ഥാനത്തിലാണ് 12 -18 പ്രായപരിധിയിൽ ഭിന്നശേഷി വിഭാഗത്തിൽ അബ്ദുൽ ഹാദിയ പുരസ്കാരത്തിന് തേടിയെത്തിയത് . എടക്കഴിയൂർ എസ് എസ് എം വി എച്ച് എസ് സ്കൂളിലെ ഒമ്പതാം ക്ലാസ് വിദ്യാർത്ഥിയാണ് ഹാദി .

 പേശിക്ഷയമെന്ന എന്ന (മസ്കുലാർ ഡിസ്ട്രോഫി ) അത്യപൂർവ്വം രോഗം നൽകിയ വേദനയിലും തളരാതെ യുള്ള വായനയാണ് അബ്ദുൽ ഹാദിയ സാഹിത്യ മേഖലയിൽ മികവ് തെളിയിക്കാൻ പ്രാപ്തനാക്കിയത് .ലക്ഷണങ്ങൾ കണ്ടു തുടങ്ങിയത് ഏഴാം വയസ്സുമുതലാണ് .തുടർന്ന് ഇങ്ങോട്ട് വീൽചെയറിലാണ് ഹാദിയു ടെ ജീവിതം . മകന്റെ വിദ്യാഭ്യാസത്തി ന് വേണ്ടി അബ്ദുൽ ഹാദിയുടെ പിതാവ് എം.കെ അബ്ദുൽ സലീമും, മാതാവ് കെ .കെ ശബനയും മനാലാംകുന്നിൽ നിന്ന് എടക്കഴിയൂരി ലേക്ക് താമസം മാറ്റി . ഗവൺമെൻറ് ഫിഷറീസ് യു.പി സ്കൂൾ അധ്യാപകനാണ് അബ്ദുൽസലീം . മൂത്ത സഹോദരൻ നിഹാൽ + 1 ക്ലാസ് വിദ്യാർത്ഥിയാണ്.

സ്കൂൾ അക്കാദമി കേരള ഗുജറാത്തിൽ സംഘടിപ്പിച്ച ദേശീയ അധ്യാപക കോൺഫറൻസിൽ അധ്യാപകനായ അബ്ദുൽ സലിം പങ്കെടുത്തിരുന്നു. അബ്ദുൽ ഹാദിയെ സ്കൂൾ അക്കാദമി കേരള ചാവക്കാട്ടെ വീട്ടിലെത്തി ആദരിക്കാൻ തീരുമാനിച്ചിട്ടുണ്ട്.