മറവന്തുരുത്ത് ശാന്തിനികേതൻ എൽ പി സ്കൂളിൽ നിറവ് 2024 പദ്ധതിക്ക്‌ തുടക്കമായി

 തലയോലപ്പറമ്പ്

 വൈക്കം ബ്ലോക്ക് പഞ്ചായത്തും കൃഷിഭവനും മറവൻതുരുത്ത് ശാന്തിനികേതൻ എൽപി സ്കൂളും ചേർന്ന് സംയുക്തമായി നടത്തുന്ന നിറവ് 2024 പച്ചക്കറി കൃഷിയ്ക്കും പൂകൃഷി പദ്ധതിയ്ക്കും തുടക്കമായി. പച്ചക്കറി കൃഷിയുടെ ഉദ്ഘാടനം മറവൻതുരുത്ത് ഗ്രാമപഞ്ചായത്ത് വൈസ് പ്രസിഡന്റ് വി ടി പ്രതാപനും പൂകൃഷിയുടെ ഉദ്ഘാടനം വൈക്കം ബ്ലോക്ക് പഞ്ചായത്ത് മെമ്പർ രേഷ്മ പ്രവീണും നിർവഹിച്ചു. കഴിഞ്ഞവർഷം പൂ കൃഷിയിൽ മികച്ച സ്കൂളിനുള്ള അവാർഡ് ലഭിച്ചത് ശാന്തിനികേതൻ എൽപി സ്കൂളിലായിരുന്നു. ചടങ്ങിൽ കൃഷി ഓഫീസർ ആശ, ഹെഡ്മിസ്ട്രസ് വിദ്യ എൻ ശർമ, അബ്ദുൽ ജമാൽ. ദിവ്യ, അമ്പിളി, വൈശാഖ് , സൗമ്യ, ഹണി, അജിമോൻ, ഹൈറുന്നിസ , തുടങ്ങിയവർ സംസാരിച്ചു.