ഗവൺമെൻറ് എൽ.പി സ്കൂൾ പാണപ്പുഴയിൽ സ്കൂൾ പത്രം അക്കാദമിയുടെ മികച്ച പ്രീ പ്രൈമറി ക്കുള്ള അവാർഡ് ദാന ചടങ്ങ് നടന്നു.

സ്കൂൾ എസ്. എം.സി ചെയർമാൻ ശ്രീ. ഒ. കൃഷ്ണൻ അദ്ധ്യക്ഷനായി. ഹെഡ്മാസ്റ്റർ പ്രഭാകരൻ മാസ്റ്റർ സ്വാഗതം പറഞ്ഞു.

പാണപ്പുഴ ഇ. എം.എസ് വായനശാല പ്രസിഡൻറ് ശ്രീ എം. മോഹനൻ ഉദ്ഘാടനം ചെയ്ത് കുട്ടികൾക്ക് സർട്ടിഫിക്കറ്റുകൾ വിതരണം ചെയ്തു. മദർ പി. ടി. എ പ്രസിഡന്റ് ശ്രീമതി സരിത ബിജു ചടങ്ങിൽ പങ്കെടുത്തു സ്കൂൾ അധ്യാപകരായ അനിൽ, അഷ്ന, മിനി, റഹ്മത്ത് തുടങ്ങിയവർ ആശംസകൾ അർപ്പിച്ചു. അധ്യാപികയ്ക്കുള്ള സമ്മാനദാനം ഹെഡ്മാസ്റ്റർ നിർവഹിച്ചു.

കഴിഞ്ഞ അധ്യായന വർഷങ്ങളിൽ കുട്ടികൾ ചെയ്ത അക്കാദമിക – അക്കാദമികേതര പ്രവർത്തനങ്ങൾ പരിഗണിച്ചാണ് സ്കൂൾ അക്കാദമി – കേരള സർട്ടിഫിക്കറ്ററുകൾ നൽകിയത്.

ഐ.എസ്. ഒ സർട്ടിഫിക്കേഷൻ ലഭിച്ച നോൺ ഗവൺമെന്റൽ ഓർഗനൈസേഷൻ ആണ് സ്കൂൾ അക്കാദമി

പ്രീ പ്രൈമറി വിഭാഗത്തിൽ പഠിക്കുന്ന മുഴുവൻ കുട്ടികൾക്കും സ്കൂൾ അക്കാദമി കേരളയുടെ അച്ചീവ്മെന്റ് സർട്ടിഫിക്കറ്റ് ലഭിക്കുന്ന പന്ത്രണ്ടാമത് സ്കൂളാണ് പാണപ്പുഴയിൽ ഗവ: എൽ.പി.യിലെ പ്രീ- പ്രൈമറി വിഭാഗം